Instituti Sekhmet hap thirrjen për studentë/e të gazetarisë, gazetarë/e të rinj/reja dhe profesionistë/e të medias, të interesuar për të marrë pjesë në një trajnim mbi raportimin profesional, etik dhe të ndjeshëm ndaj të drejtave të njeriut dhe komuniteteve LGBTIQ+.

 

Trajnimi synon të forcojë njohuritë dhe aftësitë e pjesëmarrësve për identifikimin dhe kundërshtimin e gjuhës së urrejtjes, stereotipeve dhe narrativave diskriminuese në media, si dhe për krijimin e përmbajtjeve gazetareske të bazuara në fakte, etikë profesionale dhe respekt për dinjitetin njerëzor.

 

Pjesëmarrësit e përzgjedhur do të marrin pjesë në një trajnim njëditor, gjatë të cilit do të trajtohen tema si: parimet e raportimit etik dhe të përgjegjshëm; identifikimi i gjuhës së urrejtjes dhe përmbajtjeve diskriminuese; raportimi për komunitetet LGBTIQ+ dhe grupet e margjinalizuara; përdorimi i gjuhës gjithëpërfshirëse në media; verifikimi i informatave dhe përdorimi i burimeve të besueshme; zhvillimi i ideve për artikuj me interes publik.

Pas përfundimit të trajnimit, pjesëmarrësit do të kenë mundësi të aplikojnë me një propozim për krijimin e një artikulli ose përmbajtjeje tjetër gazetareske.

 

Bursa për prodhimin e artikujve

 

Nga pjesëmarrësit e trajnimit do të përzgjidhen pesë përfitues/e, të cilët do të marrin nga një bursë në vlerë prej 300 eurosh për hulumtimin dhe prodhimin e një artikulli gazetaresk.

 

Artikujt e përzgjedhur do të zhvillohen me mbështetje editoriale dhe do të publikohen në platformën Kallxo.com.

 

Thirrja është e hapur për:

studentë/e të gazetarisë dhe komunikimit;

gazetarë/e të rinj/reja;

gazetarë/e që punojnë në media lokale ose kombëtare;

gazetarë/e të pavarur dhe krijues/e të përmbajtjeve mediale;

persona të interesuar për gazetarinë dhe raportimin mbi të drejtat e njeriut.

 

Instituti Sekhmet inkurajon veçanërisht aplikimet nga gratë, personat LGBTIQ+, pjesëtarët e komuniteteve joshumicë dhe personat nga rajone të ndryshme të Kosovës.

 

Për të aplikuar, kandidatët duhet të plotësojnë formularin e aplikimit këtu.

 

Aplikimi duhet të përfshijë:

 

të dhënat personale dhe kontaktuese;

një biografi të shkurtër dhe,

një përshkrim të motivimit për pjesëmarrje;

 

Afati i fundit për aplikim: 5 Gusht 2026

 

Data e trajnimit: 8 Gusht 2026 

 

Vendi i trajnimit: Project Space Sekhmet 

 

Pjesëmarrja në trajnim është pa pagesë. Shpenzimet e udhëtimit për pjesëmarrësit jashtë Prishtinës do të mbulohen.

 

Vetëm kandidatët e përzgjedhur do të kontaktohen.

Për pyetje ose informata shtesë, mund të na kontaktoni në: sekhmet.institute@gmail.com 

 

Ky aktivitet zhvillohet me mbështetjen financiare të Bashkimit Evropian dhe të Këshillit të Evropës, përmes projektit "Lufta kundër diskriminimit dhe urrejtjes", që është pjesë e programit të përbashkët "Instrumenti Horizontal për Ballkanin Perëndimor dhe Turqinë"